LEGAZPI CITY – Tinawan-duon sa isinagibong Buntis Day 2024 kan nakalihis na semana an importansya kan pagtataong atensyon sa salud kan mga nagbabados.
Magigirumduman, an nasambit na aktibidad, pinangenotan kan Provincial Health Office (PHO) sa tabang kan Bicol Regional Hospital and Medical Center (BRHMC), asin kan Philippine Obstetrical and Gynecological Society (POGS).
Sa aktibidad, tinukar na importante na dapat aram kan mga bados an mga do’s asin don’ts mantang an mga ini nasa primerong trimester.
Kaipuhan su buot na atab pa sana o oras na maaraman na sinda bados, dapat mag-invest na an mga ini sa saindang mga salud para sa bagong henerasyon kan mga Albayano.
Mientras, sa datos kan Albay PHO, natawan nin libreng pre-natal checkup an labi 200 na mga benepisyaryo kasabay an libreng hygiene kits, essentials, medicines, asin vitamins hale sa nasambit na mga opisina asin iba pang mga merchant asin pharmaceutical companies.
