LEGAZPI CITY – Nagboluntad na magtukdo sa Indigenous People Community kan Isla kan Rapu-rapu an 53 anyos na ALS graduate asin LET passer gikan sa kaparehong lugar.
Binisto ining si Francia Azotea-Orcena na naggradwar sa ALS kan taon 2018 asin nakapagtapos man sa Rapu-rapu Community College kan taon 2022.
Makalihis makapasar sa LET, nag-apply si Orcena para sa Teacher 1 position sa ALS asin presenteng naghahalat kan resulta.
Segun kay Orcena, bako ini madali orog na kan saiyang tinalikudan an pag-aadal kan siya aki pa nganing maglaog na katabang kan siya 14 anyos pa sana.
Sa ngunyan, boluntad ining matukdo bilang Community ALS Implementor para sa mga IPs sa Lagsingan, Poblacion Rapu-Rapu, Albay.
