ILOILO — Nagpanguna ro probinsya it Iloilo sa Western Visayas nga may pinakamaabung namatay bangud sa covid-19.
Kung pagabasehan ro datus it Department of Health (DOH-6), umabot eon sa 900 ro numero it mga indibidwal sa probinsya nga namatay bangud sa virus as of October 24.
2.67% it 33,767 nga kabilugan nga numero it natapnan it covid-19 sa Iloilo Province ro case fatality rate.
Nag abot eon sa 141,273 ro mga nagpositibo sa virus sa Western Visayas kung siin, 2.38% o 3,361 ro namatay.
Padayun man ro kampanya it DOH 6 sa publiko sa pagsunod sa minimum public health standards ag magpaturok it bakuna kontra sa covid-19. / ANN DESLENE SALAZAR
