Ginpahayag ni Iloilo City Mayor Jerry Treñas nga buligan nana si Dr. Ludovico Jurao, infectious disease specialist it Iloilo Doctor’s Hospital.
Matandaan nga nag-report si Dr. Jurao sa Department of Health kat ma-stroke ag magblood clot raya pilang adlaw matapos mabakunahan it COVID-19 vaccine.
Agud makahimo it insigida nga aksyon, mangayo ro alkalde it kopya it sulat ni Dr. Jurao ag ipadaea mismo kay Secretary Francisco Duque III ag Usec. Leopoldo Vega.
Nauna eun nga ginpahayag ni Dr. Jurao nga uwa it aksyon nga ginhimo ro DOH 6 sa anang report.
Base pa sa doktor, gusto nana nga magapatigayon it imbestigasyon kung konektado ro bakuna sa natabo kana.
Sa gihapon, nagabulig si Dr. Jurao sa kampanya sa pagpabakuna kuntra sa COVID-19 virus./ JIL B. LACSON
