Ginpabaskog pa it Iloilo government ro andang preventive measures kuntra sa avian influenza paagi sa pagpaguwa it ordinansa nga nagapataw it multa o pagkapreso sa sin-o man nga maaresto nga nagadaea it mga poultry products halin sa mga lugar nga may kaso it bird flu.
Ginpahuwa it gobyerno probinsiyal ro Executive Order No. 244-B nga temporaryo nga nagabawae sa pagsuoed it pispis, manok, ag poultry by-products halin sa Luzon ag mga lugar nga apektado it Highly Pathogenic Avian Influenza (HPAI).
Ro ordinansa hay magatao it multa nga nagaabot sa P5,000 para sa una hasta pangatlong offense nga may kaibahan nga pagkapreso halin sa lima hasta 15 adlaw.
Ro bag-ong guwa nga EO hay mabahoe nga bulig agud epektibo nga mapatuman ro Avian Influenza Prevention and Control Program./JIL B. LACSON
