Nina sa maeain-eain nga parte it eawas ro naangkon it daywa ka mga kabataan matapos ginkastiog ag gintapungoe it uwa pa nakilaea nga mga kaeaeaken-an bangud eamang sa agawan it ginbakae nga ilimnon sa Barangay Banica, Roxas City, Capiz.
Ginkilaea ro mga biktima nga kanday alyas Dodoy, 18-anyos it Barangay Tanza, Roxas City, ag alyas Gazpar, 21-anyos it Barangay Talon, Roxas City.
Base sa panaysayon it mga biktima, nagbakae sanda it ilimnon sa tindahan ag pauli eun kunta kat bigla eun eamang nga may nagpundo nga tricycle sakay ro pila ka kaeaeaken-an ag gin-agaw ro ilimnon.
Nagbalibad pa ro mga biktima rason nga ginbugbog sanda it mga suspek.
May bitibit man segun nga tubo ag ice pick ro mga suspek ag ginbataan pa bago maghalin.
Matapos ro insidente, ginpakamayad it daywa nga magreport sa mga otoridad ag presente nga nagapadayon pa ro imbestigasyon it mga kapulisan sa natabo nga insidente./JIL B. LACSON
