Ginkilaea ro Iloilo bilang best performing sa Western Visayas sa Search for Excellence in Local Governance (Excell) Awards: Rising Above the Challenge.
Ro Excell Awards it Department of Interior and Local Government (DILG) Region 6 hay lima ka kategorya – Excellence in Environmental Governance, Excellence in Economic Governance, Excellence in Social Governance, Excellence in Administrative Governance, at Legislative Governance.
Nabuoe it probinsiya ro una nga ap-at nga mga pagkilaea ag sa first runner-up man raya sa kategoryang Legislative Governance.
Ro Aklan ag Capiz hay first runner-up ag second runner-up man sa best performing provinces award.
Ro Excell Awards makarang dag-on hay nakatutuko sa kung paano ginatapna it mga local government units (LGU) ro COVID-19 public health crisis.
Samtang, ro mga awardees hay nakabaton man it mga plaque, congratulatory banner, ag cash./JIL B. LACSON
