Nakabalik ng Palawan ang mga tauhan ng BRP Teresa Magbanua nang gutom at dehydrated matapos ang limang buwang paghaharap sa mga puwersa ng China sa Escoda Shoal.
Napagalaman ding lugaw lang ang kanilang kinakain sa loob ng tatlong linggo, at naubusan na ng suplay ng pagkain dalawang araw bago sila makabalik sa Palawan.
Sa kanilang pagdating, apat na crew members ang naka-dextrose at agad na isinugod sa ospital dahil sa dehydration.
Sa kabila ng mga narasanan nito, pinuri ng PCG ang katapangan at dedikasyon ng mga tauhan ng BRP Teresa Magbanua dahil hanggang sa kanilang pag-alis ay minamanmanan sila ng mga barko ng China Coast Guard.
