Pormal nang naghain sina Senate President Pro Tempore Jinggoy Estrada at Senador Joel Villanueva ng resolusyon na naglalayong bigyang papuri ang pagkapanalo ng gold ng Pinay teenager na si Tachiana Kezhia Mangin sa 2024 World Taekwondo Junior Championship.
Si Mangin, ang kauna-unahang babaeng nagkamit ng gintong medalya para sa bansa sa Junior Division- Women’s 49 kg category.
Kasunod nito, binigyang-diin ni Estrada na tila kinakatawan ni Mangin ang malaking potensyal na mayroon ang mga bagong henerasyon ng Pilipinong atleta.
Samantala, ayon kay Villanueva, ang panalo rin na ito ay nakapagdadala ng inspirasyon sa bawat kabataan.
