Nag-umpisa nang magsipagdatingan sa Pilipinas ang iba’t ibang mga matataas na international leaders na kabilang sa delegadong dadalo para sa panunumpa ni President-elect Bongbong Marcos bukas.
Kahapon, dumating na sa Maynila si US Second Gentleman Douglas Emhoff.
Sinalubong ito ni US Embassy Chargé d’Affaires ad interim Heather Variava.
Si Emhoff na asawa ni US Vice President Kamala Harris ay ang mamumuno sa US delegation na ipinadala ni US President Joe Biden.
Samantala, anumang oras ngayong araw ay inaasahang lalapag na rin sa Pilipinas ang iba pang members ng US delegation at iba pang mga world leaders.
Inaasahan ding darating sa seremonyas bukas si dalawang Vice Presidents mula sa China at sa Vietnam.
Darating din ang Deputy Prime Minister at Foreign Minister ng Thailand.
In-attendance din bukas ang mga Foreign Ministers ng Japan, Lao PDR, at Malaysia.
Maliban sa mga foreign ministers, dadalo rin ang trade envoy ng UK; at ang floor leader ng South Korea.
Samantala, abangan naman ang nationwide coverage ng buong puwersa ng Brigada Philippines sa June 30. Maririnig sa lahat ng himpilan ng Brigada NewsFM Nationwide, at simulcast sa lahat ng ating live streaming platforms via Facebook, YouTube, and website – BrigadaNews.PH.
#
