Ibinahagi ni Oceana Philippines Vice President Atty. Gloria Estenzo Ramos na ang pagkakatalaga kay Sec. Francisco Laurel bilang bagong kalihim ng Department of Agriculture ay ang unang beses na nagmula sa fisheries sector ang mamumuno ng naturag ahensya.
Ayon kay Ramos, posibleng maging advantage ito lalo na para sa advocacy ng sektor.
Dagdag pa niya, ang pagkakatalaga sa bagong secretary ng DA ay makatutulong para maisaayos ang mga hamon na kinahaharap ng mga mangingisda.
Umaasa umano sila na sa ilalim ni Laurel ay mapag-uusapan ang ilang mga issues sa fisheries sector.
Isa na nga rito ay ang reclamation na siyang nakasisira sa sea habitat, corals, seagrass, at mangroves na aniya ay dapat tugunan sa pamamagitan ng matibay at holistic na approach.
