SADYA ang ikatulong gabei nga rally sa partidong AIM sa Carcon Village, Barangay Lagao, Lunes sa gabei nga gipangunahan ni Brigada Elmer Catulpos kung asa malipayon nga gidawat sa katawhan lakip mga kaubanan niini nga kandidato.
Gipunto ni Brigada Elmer nga kinahanglan ang katawhan adunay damgo, gugma, ug disiplina alang sa syudad tungod kini ang bahandi alang sa mga kabataan ug kini usab ang garbo sa mga ginikanan alang sa kaugmaon sa ilang mga anak.
Sumala niini nga ang katawhang masa ang labing kinahanglan nga hatagan og serbisyo sa gobyerno. Tungod sila ang nagkinahanglan og tabang.
Sama sa paghilak sa mga ginikanan panahon sa kawalad-on. Gisaysay ni Brigada Elmer nga ang tanang myembro sa KaBrigadahan nga mitabang sa ilang kauban mao ang tinood nga bayani.
Sa pagpamulong niini iyang gipasalamatan ang tanang mitambong nga mitagana og higayon aron sila madunggan ug makahimamat.
Kay kung ang tanan magkahiusa alang sa kabag-ohan dili imposible nga makab-ot ang pag-angat sa kalisod. Tungod sa malipayong pagdawat ug pagsalig sa mga residente gipunto ni Brigada Elmer nga sila makadawat og kinasing-kasing ug Dyosnon nga pagserbisyo gikan sa partidong AIM nga mibarug alang sa kamatouran ug gitinguha ang kabag-ohan.
