-Reymund Titong
KABANKALAN CITY, Negros Occidental — Nangin madinalag-on ang Ika duwa nga tuig sang pagpatigayon sang Beach Volleyball Republic (BVR) on Tour sa syudad sang Sipalay sang Hunyo 22-23, 2024.
Sa interview sang Brigada News FM-Kabankalan kay Sipalay City Tourism Officer Jeck Lacson, iya ginpabutyag ang kasadya sa pagpili sang syudad nga mag-host sang national sports parihas sang BVR sa ika duwa nga tuig.
Dugang pa niya, nga ang nagkalain-lain nga mga sporting events sa syudad ang nagapamatuod sang ila commitment nga mangin “premier sports tourism destination” sa isla. Sa pag patigayon sang mga aktibidad ang indi lang nagapakita sang maayo nga turismo may ara ang syudad, kundi pati nagahatag man oportunidad sa mga negosyante.
18 tanan ka teams ang nagpakigbahin – 4 ka teams gikan sa Sipalay kag 14 naman gikan sa iban nga bahin sang Negros Occidental kag mga estudyante sang FEU, UST, NU, DLSU, kag UNO-R, lakip na ang gikan sa pungsod Australia.*
