Madinalag-on nga ginhiwat ang selebrasyon sang ika 50th Founding Anniversary sang 3rd Infantry Division (Spearhead) Philippine Army sa Camp General Macario Peralta Jr., Jamindan, Capiz, Mayo 23.
Kadungan sang selebrasyon ang pagpasidungog sa mga katapo sang militar subong man ang civil awardees sa pagpanguna ni Lieutenant General Roy Galido, Commanding General sang Philippine Army kun sa diin gindayaw man sini ang kadalag-an sang 3ID sa patag sang kalinong kag katawhay.
Nagtambong man sa anibersaryo ang mg dinapit nga bisita kaangay nalang sang mga local chief excutives sa Panay Island, Regional Directors sang nagkalain-lain nga ahensya sang gobyerno kag mga stakeholders.| Ken Mark Gicalde
