Ginahingyo kang Antique Provincial Veterinary (ProVet) ang mga local government units (LGUs) nga magtukod kang campsites para sa mga kasapatan bilang preparasyon para sa nagahirapit nga La Niña phenomenon sa bulan kang Hunyo tubtob Agosto.
Naman-an nga kang tinalikdan nga Disyembre 2021, naglab-ot sa P1.7-million ang nabalhag nga kapyerdihan sa 321 ka livestock kag 3,353 ka manok nga napatay nga kalabanan nalumos kadungan kang pagpanalasa kang Bagyong Odette.
Suno kay ProVet Public Health Division chief Dr. Marco Rafael Ardamil, ginahingyo kadya ang mga LGU nga preparahan ang pasirungan, pagkaon kag iban pa nga kinahanglanon kang mga kasapatan pareho kang baka, karbaw kag kanding para sa nagahirapit nga tig-ururan nga sarang tunaan kang pagbaha nga makahimo makalumos sa mga nasambit nga kasapatan .