MIUBOS ang ihap sa krimen nga nahitabo sa Soccsksargen sulod sa second quarter sa tuig, butyag sa kapulisan. Base sa datus sa Police Regional Office (PRO) 12 miubos og 849 ang ihap sa krimen gikan Abril hangtud Hunyo ning tuiga.
Karong tuiga nakarekord ang PRO-12 og naa sa 1,635 krimen tandi sa 2,484 ihap sa krimen nakalabay nga tuig sa susamang panahon. Usa sa krimen nga miubos ang ihap mao ang murder, rape, robbery,theft, car ug motornapping. Apan nakitaan og pagsaka sa ihap karong second quarter mao ang homicide.
Matud ni Police Major Risa Hernaez, spokesperson sa PRO-12 ang padayon nga police operation ang usa sa rason sa pag-ubos sa krimen. Luyo niini, magpadayon ang kapulisan sa kampanya batok criminal activities, dugang ni Hernaez. I Richel Gubalani
