NAGLAOM ang pipila ka empleyado sa LGU-GenSan nga madawat na nila karong tuiga ang unang tranche sa salary increase. Matud ni Toto Provido, regular nga empleyado sa LGU-GenSan dako og tabang kaniya ang dugang sweldo. Apan pangutana niini duna bay pondo alang sa salary adjustment ang LGU.
Butyag ni John Philip Quimosing, labaw sa City Budget Office gipirmahan na niya ang P20 milyon pesos nga pondo. Alang sa 1,600 kapin regular ug casual employee sa ilang salary increase sulod sa lima ka bulan. Kung mapasar kini sa city council, posibleng gilayong mahatag sa mga empleyado sa LGU ang ilang dugang sweldo.
Giklaro usab nga wala naapel sa salary adjustment ang mga Job Order workers. Kini ang una sa upat ka tranche nga salary increase nga una nang gianunsiyo ni Pangulong Bongbong Marcos sa iyang State of Nation Address (SONA). I Richel Gubalani
