Asahan nang magpapatupad na rin ng umento sa sahod ang iba pang mga regional wage boards.
Ito ang tiniyak ni National Wages and Productivity Commission Executive Director Maria Criselda Sy matapos ang ipinatupad na wage increase ng limang mga rehyon.
Sa pulong balitaan, sinabi ni Sy na tapos na ang isinagawang pagdinig ng iba pang mga Regional Tripartite Wages and Productivity Boards.
Sa katunayan, ang nalalabi na lamang na public hearing ay para sa mga domestic workers naman sa Metro Manila.
Dahil dito, asahan na umano na sa mga susunod na araw o linggo ay magkakaroon na rin ng dagdag-sahod sa iba pang mga rehyon.
Matatandaang una nang naaprubahan ang wage increase sa limang mga rehyon kabilang na ang Metro Manila, Western Visayas, Ilocos Region, Cagayan Valley, at CARAGA.
#
