Nilinaw ng Commission on Elections na ang naitalang mismatch – o hindi pagkakatugma sa bilangan ng Parish Pastoral Council for Responsible Voting o PPCRV sa election returns ay bahagi lamang ng ‘misencoding’.
Ito ang sinabi ni COMELEC acting spokesperson Dir. John Rex Laudiangco, matapos ma-encode ng PPCRV ang higit sa 60,000 ERs mula sa kabuoang 80,000 na kopya nito.
Ayon kay Laudiangco, ang naging projection ng poll watchdog ay aabot sa 1.22 % ang mismatch sa auditing nito.
Ito aniya ay bahagi lamang ng ‘misencoding’ o posibleng pagkakamali sa pag-encode ng iilang mga boto.
Paliwanag ni Laudiangco, maaaring hindi nabasa nang maigi ng mga volunteers ang mga numero dahil sa kapaguran.
