Dili muondang og tubod akong luha kung dili mahatagan og hustisya ang akong anak Kini ang giluwatang pamahayag sa amahan nga si Filmor Morato sa eksklusibong pakighinabi sa Brigada Investigatve Series team dihang usa ang iyang anak sa brutal nga gipusil-patay sa Brgy Camudmud, Babak District, Island Garden City of Samal, pasado alas 10:00 kagabie.
Sa pagpanubay sa BIS team, nasayran gikan sa nakasaksi nga gisulod sa usa ka wala pa mailhing suspek ang mga biktima sulod sa computer shop ug kalit lang nga gipusil si alyas Filjack dayon gisunod si alyas Dansoy.
Nakadagan pa sa gawas ang duruha ka menor de edad apan wala makuntento ang duruha ka suspek ug giayo-ayo og pusil sa makadaghang higayon ang duruha hinungdan sa ilang hinanaling kamatayon.
Sa karon blanko pa ang kabanay sa mga biktima kung si kinsa ang mihimo sa krimen sanglit kahibaloan walay nakaaway ug nadawat nga hulga ang mga biktima.
