Angol ang driver sa motorsiklo human nga nisampok sa taxi samtang naglawig sa Bangkal Mc-arthur highway ning syudad sa Davao sa milabay’ng tungang gabii.
Nalambigit sa maong bangga mao ang motor nga gimaneho sa usa ka Wesly B Millan, 29 anyos, nga taga- Shrine Hills Matina Davao City ug ang taxi nga gimaneho sa usa ka Alfredo Muyco Macono, 44 anyos, minyo ug residente sa San Isidro Bunawan ning syudad.
Sa imbestigasyon sa otoridad, susamang gisubay sa duha ka mga sakyanan ang Bangkal Mc-Arthur highway, naggikan ang taxi sa Matina Mc-Arthur ug padulong sa Central Park Bangkal, samtang ang motor gikan Union Avenue ug padulong sa Bangkal Mc-Arthur highway.
Pag abot sa lugar diin nahitabo ang disgrasya, niliko pawala ang motor nga maoy hinungdan sa pagkabangga niini sa taxi ug gumikan sa impak maayo niining pagkatumba.
Nakaangkon og injury sa lawas ang driver nga daling gidala sa ospital.
Sa nahimong assessment sa Emergency Medical Technician (EMT) sa 911, lango sa ilimnong makahubog ang driver sa motorsiklo.
Samtang ang driver sa taxi ang temporaryong gikustodiya sa istasyon sa pulis alang sa tukmang disposisyon.
