TAKDANG molingkod sa pwesto isip bag-ong labaw sa Police Regional Office (PRO) 12 si Police Brig. Gen. Alexander Tagum.
Dungan sa himoon nga turn over ceremony sa PRO-12 sa Barangay Tambler, GenSan sa Biyernes.
Matud ni PLt. Col Maria Joyce Birrey, tigpamaba sa PRO-12 nangandam sila alang sa maong aktibidad.
Apan giklaro nga wala pa sila’y nadawat nga mando gikan sa PNP National Headquarters (NHQ) kalabut sa pangalan sa mohulip sa kasamtangang labaw nga si Brig. Gen Michael John Dubria.
Si Tagum ang kasamtangang labaw sa PNP – Police – Highway Patrol Group (PNP-HPG).
Kini usab ang nahimong Provincial Director sa North Cotabato atol sa assignment ni Tagum sa lugar.
Nahitabo atong 2017 ang gikaingong ‘violent’ dispersal sa nagprotesta nga mga mag-uuma sa Kidapawan City.
Human sa hitabo, gibutang si Tagum isip Davao City Police Office (DCPO) Chief sa maong tuig.
Kini ang kabahin sa gihimong ‘reshuffling’ dungan sa pagretiro ni PNP Chief Gen. Guillermo Eleazar sa Nobyembre 13. (Richel Gubalani)
