Bangud sa pagtuhaw it bag-ong strain it covid-19 nga Omicron, nagpatuman eon it travel ban ro HongKong.
Owa eon segun makarun nagabatun ro nasambit nga nasyun it flights halin sa ibang lugar.
Raya hay base sa kumpirmasyon sa Brigada News FM Kalibo ni Mrs. Lhynee Robelo, native it Brgy. Linabuan Sur Banga, Aklan ag OFW sa Lantau Island sa HongKong.
Pero ginklaro ni Robelo nga ‘business as usual’ sa HongKong ag owa eon segun nagapatuman igto it social distancing.
Sigidas man segun ro face-to-face classes igto, pati ro operasyon it mga restaurants ag iba pang aktibidadis. / ANN DESLENE SALAZAR
