Huli ang isang lalaki matapos ang ikinasang drug buy-bust operation ng pinagsama-samang pwersa ng mga awtoridad sa Barangay Arawan, San Antonio, Quezon nitong Sabado, Agosto 3.
Ayon sa police report, alas-6:45 ng gabi isinagawa ang operasyon na nagresulta sa pagkakadakip kay alyas “Jherome”, 25-anyos, residente ng Brgy. Pury ng nasabing bayan.
Nasabat kay alyas Jherome ang mga sachet ng hinihinalang shabu na tinatayang nagkakahalaga ng mahigit ₱4,000,000 at ang buy-bust money na ginamit sa operasyon.
Sa ngayon, nasa kustodiya ng awtoridad ang suspek na nahaharap ngayon sa kasong may kinalaman sa iligal na droga.
