KORONADAL CITY- INILUNSAD sa bayan ng Tantangan sa South Cotabato ang Rice Competitiveness Enhancement Fund-Rice Farmers Financial Assistance (RCEF-RFFA) Program ng Department of Agriculture ukon DA.
Pinangunahan ni Agriculture Secretary William Dar ang ceremonial awarding ng Interventions Monitoring Card (IMC) sa mga registered rice farmers na may sinasakang hindi lalagpas sa dalawang ektarya bilang mga initial beneficiaries ng unconditional cash assistance na tig P5,000 sa pamamagitan ng RFFA.
Makikinabang sa higit P 65 million cash assistance ang 13,014 na mga magsasaka sa lalawigan ng South Cotabato.
Ayon kay Dar na ang ipinamahaging RFFA ay mula sa excess rice tariff na nakolekta ng Bureau of Customs mula sa mga rice imports.
Kasama ang Development Bank of the Philippines (DBP) at SquidPay Technology, Inc., mamamahagi ang DA 12 ng IMC na magsisilbi din bilang identification card at cash card ng mga farmer beneficiaries.
