Nasa 294 barangay na sa Bulacan ang naideklarang drug cleared ng Philippine Drug Enforcement Agency o PDEA.
Katumbas ito ng 51.67 porsyento ng kabuuang mga barangay sa lalawigan.
Sa ginanap na Joint Provincial Peace and Order Council, Anti-Drug Abuse Council at Provincial Task Force to End Local Communist Armed Conflict meeting, iniulat ni PDEA Bulacan Provincial Officer Marie Fe Manto, target nilang maideklara ang natitirang 275 na barangay sa mga susunod na buwan.
Maituturing na drug-cleared ang isang barangay kung ito ay mayroong functional na Barangay Anti-Illegal Drug Abuse Council, non-availability ng supply ng illegal na droga, may drug awareness campaign, at may voluntary and compulsory drug treatment and rehabilitation processing desk.
At isasailalim naman ang barangay sa pagsusuri ng Regional Oversight Committee.
