LEGAZPI CITY – Mahigot na pig-iimbestigaran ngunyan an rason kun nata hababa an income na nakukua kan probinsya kan Albay sa mga quarry operation.
Segun kay Board Member Dante Arandia, nagkapira sa saiyang mga lakdang na ipinautob katakod kaini an paghagad nin report sa Sangguniang Bayan kan Guinobatan manungod sa saindang 30% share sa mga operasyon asin an report sa nakukuang kita kan barangay na may quarry.
Magigirumduman, enot nang pigheras ni Arandia na nagpapadagos an iligal na quarry operations sa ibong kan kawaran nin delivery receipt.
