MAS luwas gihapon ang mag-zumba o magpahigayon og ehersisyo sulod sa gym.
Kini ang nahimong reaksyon sa usa ka Zumba instructress nga si alyas Regine human gipagawas ang EO 35 sa LGU-GenSan nga nagtugot sa outdoor non contact sports ug uban pang matang sa ehersisyo lakip zumba.
Apan may kondisyones gihapon, kinahanglang sundon ang minimum public health standards ug walay sharing sa mga equipment.
Alang kang alyas Regine kung sa gym mas madumalahan ang ihap sa mga tawo nga tugutan ug may igong health protocols nga gipatuman.
Kung sa outdoor sama sa mall, dili gihapon matuman ang health protocols labi na nga dili usab malikayan dili motangtang og mask tungod lisod moginhawa kung ga-ehersisyo ug mahitabo hinuon ang mass gathering tungod adunay mga grupo ang gaapil sa zumba.
Sa EO 35 ang pagpahigayon sa zumba kinahanglan nga anaa open spaces o covererd court apan anaa sa 30 percent ang maximum capacity alang sa 3 meters minimum distance sa kada usa.
Apan sa gym mas kontrolado matud pa ang ihap sa tawo ug mas luwas alang kang alyas Regine dili sama sa open spaces o mall nga dili usab tanan masita kung mutangtang sa ilang face mask.
Nasayran nga gilantaw usab sa LGU ang ehersisyo nga makatabang sa panglawas sa mga tawo labi na karon sa nagpadayung pandemya.
