GIPASALAMATAN ni Tinagacan Barangay Captain Jeoffrey Salanio ang LGU Gensan nga gipaminawan ang iyang request alang sa bugas, nga ihatag usab sa mga residente nga naka-kwarantina.
Segun ni Salanio nga makaduha ka beses siya nga mi-request og sinakong bugas, apan niadtong miaging semana lang nahatagan og 25 ka sako sa bugas.
Nagtuo usab kini nga dugay nahatag ang gihangyo nga bugas tungod na-misplace ang iyang request, luyo nga niadto pang Marso o Abril sa kasagsagan sa pandemya niya gipasa sa LGU ang maong request alang sa bugas.
Naatol sa paghatag og sinakong bugas ang LGU sa Brgy.Tinagacan human natuki sa Brigada nga may nadaut nga mga bugas nga anaa sa Lagao gymnasium.
Alang kang Salanio, giangkon niining sakit usab sa buot masayran nga naa may mga bugas ug may nadaut na ug nganong wala pa kini gipanghatag.
Bisan niini, giangkon ni Salanio nga mapasalamaton gihapon siya tungod ang bugas nga ilang nadawat gipanghatag sa mga nakwarantina, ug sa nasulayan niini sa bugas, medyo may amoy na apan makaon pa man gihapon.
Advised na lamang niini sa LGU tungod daghan pa ang mga bugas sa Lagao gym, mas maayo nga magsugo og tawo nga mag-classify kung may nadaut dili na kini ihatag sa tawo.
