Nanindigan si Bamban Tarlac Mayor Alice Guo na hindi siya magbibitiw sa pwesto at lalaban pa siya bilang Alkalde sa 2025.
Itinanggi rin ni Guo na siya ay ispiya ng China na pinadala rito sa Pilipinas.
Giit niya nasaktan siya sa mga alegasyon laban sa kanya.
Ngunit aminado ang Alkalde na sinuportahan niya ang POGO bago siya maging Mayor at umapela rin siya sa sanggunian na payagan itong mag-operate.
Pero paglilinaw ng Alkalde na hindi niya kasusyo ang na-raid na POGO sa Tarlac.
Sinabi rin ni Guo na may lisensiya ng Philippine Amusement and Gaming Corporation ang naturang POGO kaya hindi niya ito napaalis noon.
