Inimungkahi ni retired commissioner Rowena Guanzon na dapat mag-inhibit si Commission on Elections (Comelec) Commissioner Aimee Ferolino sa pagboto, sakaling may ihaing motion for reconsideration sa nabasurang disqualification case laban kay presidential candidate Ferdinand “Bongbong” Marcos Jr.
Ayon kay Guanzon, ito ay kung may natitira pa umano hiya si Ferolino.
Kaugnay nito, sinabi ng dating commissioner na ang resolusyon ng Comelec First Division sa kaso ni Marcos, na ipinonente ni Ferolino, ay mayroon umanong “atrocious logic.”
Giit ni Guanzon, ang resolusyon ni Ferolino ay dapat mababasa ng mga abogado at non lawyers, dahil puno ito ng grammatical at typographical errors.
Mababatid na si Guanzon ay bomoto pabor sa pagdidiskwalipika sa kandidatura ni Marcos pagkapangulo.
