TAKDANG ipatawag sa konseho sa Gensan sa mosunod nga semana dungan sa ilang regular sesyon si General Santos City Police Office (GSCPO) Director Police Col. Paul Bomitibo aron nga muhatag og katin-awan sa crime rate, tari-tari ug gikaingon nga smuggling sa dakbayan.
Kini ang pagkahuman nga sa paghinapos sa sesyon niadtong nakalabay nga Martes giduso ni Kagawad Jose Edmar Yumang, Chairman sa Committee on Peace and Order nga imbitahan ang nahisgotan alang sa paghatag og katin-awan sa maong isyu.
Sa Pakighinabi usab sa Brigada News Team ngadto kang Kag. Yumang, gipamahayag niini nga gusto nilang masayran og unsa ka maayo ang kapulisan sa ilang trabaho ug unsa sila ka epektibo tungod kay dunay impormasyon ang nahisgotan nga dunay mga ginapahigayon nga tari-tari nga wala ginadakop.
Dugang pa niini nga base usab sa iyang impormasyon nga dunay mga gallera nga giablihan nga wala moagi og resolution sa Sangguniang Panlungsod nga mao ang butang nga ilang gustong masayran sa mosunod nga semana. I Danny Casi
