GIPLANO sa grupo sa mag-uuma sa probinsiya sa South Cotabato ang pagpasaka og kaso sa Ombudsman. Dungan sa pagpasar sa miyembro sa Sangguniang Panlalawigan (SP) sa kabag-ohan o amendments sa 11-anyos nga environmental code.
Matud ni Johnny Legaria, representante sa 9 farmers association sa probinsiya nga nakurat sila sa desisyon sa SP. Apan giangkon nga gilaoman na nila ang mahimong desisyon sa mga nasangpit.
Dugang ni Legaria, gawas sa hilabihang epekto sa open pit- mining sa Tampakan mawad-an og pangabuhian ang mga mag-uuma. Angayang, gipaminaw pa sa mga opisyal sa probinsiya ang katawhan ug gitimbang bag-o nagdesisyon kalabut sa hisgotanan.
Kahibaloan sa gipatawag sa probinsiya nga public consultation atong Pebrero 18, 2022 mitambong ang multisectoral group nga batok sa pagtanggal sa ban. Asa nagpadagan usab sila og signature campaign batok sa giduso nga pag-amend sa Section 22B sa code nga specifically nag-ban sa open-pit mining sa probinsiya. I Richel Gubalani