MALAMPUSON ang unang adlaw sa pagpahigayon sa Water Search and Rescue kon WASAR Training nga gipangunahan sa Philippine Coast Guard Southern Mindanao Division ug partisipar sa mga sakop sa Joint Task Force Gensan.
Gibutyag ni PCG Capt. Michell Ursabia nga ang WASAR training ang original nga ginahimo sa PCG apan sa pinaka-unang higayon nalakip na ang JTF sa maong pagbansay.
Tumong sa maong pagbansay nga mas mapakusgan pa ang abilidad sa PCG ug kasundaluhan sa pagpahigayon sa Search and Rescue sa kadagatagan.
Usa matud pa kini ka preparasyon alang sa unsa mang emerhinsiya sa kadagatan.
Base sa datos 30 ka mga partisipante ang gikan sa PCG ug 23 ang gikan sa JTF-Gensan. I MJ Fernandez
