Binigyang-diin ni United Filipino Consumers and Commuters (UFCC) president Rodolfo Javellana na hindi biro ang inanunsyong dagdag-singil sa kuryente ng Meralco.
Ayon kay Javellana, nakaaawa ang mga Pilipinong makararanas ng big-time power rate hike.
Karamihan aniya kasi sa populasyon sa Pilipinas ay covered ng Meralco.
Naniniwala rin ito na hindi nakatutulong sa ekonomiya ang hakbang ng Meralco.
Lalo lang umano nitong inilulubog ang bansa dahil nagkaroon ng deregulation at privatization mula sa generation patungo ng transmission, patungo ng distribution.
Sa huli, iginiit ni Javellana na walang kaunlaran na aasahan kung mahal ang presyo ng kuryente.
