Naniniwala ang Federation of Free Farmers (FFF) na ‘premature’ pa ang panawagan ng grupong SINAG na muling ibalik ang price cap sa bigas.
Sa panayam ng Brigada NewsFM Manila kay FFF national manager Raul Montemayor, sinabi niyang marami pa naamn daw ang inaaning bigas lalo na’t harvest season.
Sinabi pa ni Montemayor na nangangamba siyang abusuhin ito ng mga traders lalo na’t babaan din nila ang presyo ng bigas na bibilhin mula sa mga local farmers.
Sabi ni Montemayor, ang nakikita niyang balanseng solusyon para parehong panalo ang mga magsasaka’t mga konsyumer ay ang maayos na presyo.
Kung sila raw ang tatanungin, okay na raw sa mga local farmers ang P23 na presyo sa kanila ng mga traders, para mabenta pa ito ng P45 hanggang P46 kada kilo.
