CEBU -Gikatakda nga mupahigayon si Cebu Governor Gwendolyn Garcia sa iyang State of the Province Address (SOPA) karong umaabot Agosto 11, 2023.
Ang SOPA sa gobernador giingong idungan sa bulan sa pagsaulog sa Probinsya sa Sugbo sa kasumaran niini.
Gilauman nga itaho ni Garcia sa iyang SOPA ang kalampusan nga nahimo sa iyang administrasyon sa Kapitolyo.
Nasayran nga opening sa founding anniversary sa Kapitolyo mao ang Agosto 1, diin ablihan usab ang Agro Trade Fair alang sa mga lokal nga produkto sa kalungsoran nga i-display sa Capitol compound.
Gawas niini, ipahigayon usab ang One Cebu Expo ug ang Pasigarbo sa Sugbo sa Agosto 27 diin 50 ka mga contingents ang moapil sa maong kalihokan.//
