LEGAZPI CITY – Pigkokondenar ni Albay Governor Atty. Edcel Grex Lagman an nangyayaring pag-atake sa mga Israeli civilians na pinunan kan Hamas, sarong militanteng grupo gikan sa Palestine.
Sa sarong social media post, sinabi kan gobernador na dapat tulos nang aksyunan kan United Nations (UN) an ralabanan kan mga nasyon sa kinaban siring sa US, Russia, Iran asin iba pa.
Naglalaom si Lagman na magkaigwa na tulos nin ceasefire asin an duwang naglalabanan na nasyon, masagibo nin peace talks.
Apwera sa numero kan mga Pilipino asin Bicolano na nasa duwang nasyon, dakol man su boot na bistado an gobernador na mga Israeli nationals na konektado sa Agrilever, sarong proyekto na may kinaraman sa sektor kan agrikultura, na igwa an Albay Agriculture Cooperative.
Mientrastanto, padagos niya su boot na pigpapangadyi an kaligtasan kan mga Pilipinong naaapektaran sa Israel asin Palestine.