LEGAZPI CITY – Maabot sa 700 na sailors kan Philippine Navy an nagpartisipar sa nagpapadagos na week-long activity na Exercise Sama-sama 2023 sa banwaan kan Rapu-rapu, Albay.
Saro ining bilateral navy-to-navy engagement sa pagultanan kan Estados Unidos asin Pilipinas na may obhetong pakusugon an maritime security, interoperability asin kooperasyon kan naval forces kan duwang nasyon.
Sentro kaini an maritime security operations, maritime situational awareness, logistics, asin command and control.
Saro an probinsya kan Albay sa mga napiling lugar na gibohon an aktibidad na ini nin huli ta pig-aagihan ini ki kalamidad.