Nagtuo ang Commission on Elections Northern Mindanao nga maayong pasidaan ang migawas nga impormasyon kalabot sa gi-ingong na-kompromiso matud pa ang sistema sa Comelec gumikan sa hacking.
Gipasabot ni Comelec 10 Regional Director Atty. Francisco Pobe nga magsilbi kini nga leksyon aron mas mapahugtan pa ang paghatag proteksyon sa server ug lain pa nga mga dokumento batok sa cyber-hacking.
Gidugang niini nga lakang lamang karon aron mayagaw ug matandog ang integridad sa 2022 General Elections.
Sa karon wala matud pa’y angay kabalak-an sa maong insidente ug mipasalig ang Comelec nga sulod karon nga semana magpagawas sila sa final report.
Kahibaloan nga sa inisyal nga imbestigasyon, giklaro sa komisyon nga ang mga impormasyon nga migawas wala nag-exist sa sistema sa buhatan tungod ang mga files niini wala pa makompleto.
