Makangingidlis ro nadangatan it 45-anyos nga babaye nga bangkay eun kat makit-an sa Sitio Barosbos, Barangay Lonoy, Sapian, Capiz.
Base sa pahayag it Sapian Municipal Police Station, magkaibahan pa nga nag-usoy it gulay ro biktima ag unga nga babaye, pero nagseparar raya sa anang unga agud mag-usoy it sampalok.
Kat makauli ro unga nga babaye, uwa pa nakabalik ro anang nanay rason nga ginbalikan nana raya.
Nakibot eun eamang ro unga bata kat makit-an nana ro anang nanay nga nagapaligo sa kaugalingon nga dugo, uwa eun it eambong pang-ideaom, ag laslas ro tutunlan.
Insigida man nga nagpangayo it bulig ro unga ag gindaea sa ospital ro biktima, pero gindeklara man it doktor nga dead on arrival.
Sa presente, padayon pa ro imbestigasyon it mga otoridad sa krimen./JIL B. LACSON
