MAKABENEPISYO ang GenSan ugaling madayun ang mining operation sa SMI sa Tampakan, South Cotabato.
Kini ang personal nga panglantaw ni Benirando Claudio, presidente sa General Santos City Chamber of Commerce and Industry, Inc. kalabot sa pagbisita ni DENR Sec. Roy Cimatu ug nakigkita sa mga local officials sa Tampakan ug mga DENR-12 officials alang sa planong pagmina sa maong lugar.
Segun ni Claudio, sa buhis, negosyo ug trabaho, makabenepisyo usab ang Gensan tungod sa pantalan ug airport, gawas pa nga adunay mga skilled workers usab gikan sa dakbayan ug mga negosyo nga matukod.
Bugtong hangyo niini sa publiko nga maniid, ug dili lang basta mahimong kritiko basta ang makatuman ang SMI sa tanang rekositos nga gipangayo sa gobyerno ug posibleng kompensasyon sa unsa mang mahimong epekto sa pagmina. Sa pagkahibalo ni Claudio ang SMI ang usa sa 38 ka mining company nga gihatagan og pagtugot nga maka-operate.
