PADAYONG nakasinati og kakulangon sa classroom ang GenSan dungan sa pagsaka sa liboan ka enrollees matag school year.
Matud ni Isagani Dela Cruz, Schools Division Superentendent sa Department of Education (DepEd) –GenSan padayon ang pagpatuman sa class-shifting schedules, partikular sa high schools.
Dugang ni Dela Cruz naa sa 300 ka classroom ang kulang karon ug kini ang gipaningkamotan nilang maresolba.
Naglaom ang opisyal nga maresolba ang problema aron malikayan na ang shifting sa mga estudyante. Sa karon, gilaoman sa DepEd ang pagbalik sa tulunghaan sa naa sa 180,000 ka mga estudyante sa pampubliko ug pribadong eskwealahan sa GenSan. I Richel Gubalani
