MAHIMONG alternatibong international gateway alang sa returning Overseas Filipino Workers (OFW) ug international travellers. Ang pag-rehab ug gipalapad nga GenSan City airport, butyag ni Department of Transportation (DOTr) Secretary Arthur Tugade.
Giduso kini sa opisyal dungan sa pagpanguna niini sa inagurasyon sa bag-ong passengers terminal ug ubang pasilidad sa airport. Dugang ni Tugade, nahaum na sa international standard ang paluparan nga maka-atiman og airline passengers gikan sa Middle East.
Ugaling mahitabo kini makatabang ang airport sa pagpaluag sa Ninoy Aquino International Airport (NAIA) ug ubang paluparan sa nasud.
“If we will increase the cap, we need to expand our gateways and not limit them to Clark, Cebu, and NAIA. We can include GenSan among the gateways for travelers from Doha who are going to Manila,” butyag niini.
Iduso nila ang estratehiya sa mga airlines nga dunay international routes lakip ang Philippine Airlines ug mangayo og pagtugot gikan sa lokal nga panggamhanan. Ang proyekto sa kalamboan sa airport ang kabahin sa P959 milyon nga giimplementa sa national government. ( Richel Gubalani)
Photos from: Department of Tourism – Soccsksargen Office
