Kinalampag ng Group of Seven (G7) ang China dahil sa militarization at tensyon na nagagawa nito sa West Philippine Sea.
Sa isang pahayag, tinuligsa ng foreign ministers ng G7 states ang mapanganib na paggamit ng China sa kanilang coast guard at maritime militia habang ipinipilit nito ang pag-aari sa naturang katubigan.
Sinabi rin nito na nakababahala na ang sitwasyon sa East at South China seas.
Naniniwala ang grupo na walang legal basis ang expansive maritime claims ng China sa WPS, at pinagtibay ang suporta sa 2016 Arbitral Award.
Nanindigan ang grupo na isang ‘significant milestone’ ang arbitral ruling na dapat sundin ng mga involved na bansa.
