GITUGOTAN na sa Glan, Sarangani Province ang pagsulod sa turista gikan sa ubang rehiyon nga fully vaccinated batok Covid-19. Samtang kinahanglan magpresenta og negatibong resulta sa antigen test ang mga ‘unvaccinated’.
Matud ni Rhoa Wadingan, Tourism Officer tungod sa pagtugot nila sa pagsulod mga turista gikan sa ubang rehiyon. Naglaom sila sa mas lagsik nga tourism industry sa Glan human gihapa sa Covid-19 pandemic nakalabay’ng tuig.
Sa datus, misaka ang tourist arrival sa gitwag nga ‘Boracay of the South’ sa bulan sa Setyembre nga naa sa 44,307 tandi sa 24,139 atong Agosto. Dugang niini, sa 100% nga beach workers sa lugar naa na sa 80% ang fully vaccinated. Gihingusgan ni Wadingan, sukad nagsugod ang pandemya walay kamanduan ang LGU nga ipasarado ang mga beach resorts.
Apan nagdesisyon ang mga resorts owner nga isarado usab ang ilang establisimento temporaryo. Luyo sa pagtugot na sa LGU sa mga bisita gawas sa rehiyon-12, kinahanglan gihapon sila magbitbit og confirmed bookings sa resorts ug magpa-rehistro sa contact-tracing application DVY Cares. ( Richel Gubalani)
