Pwede nang lumabas ng tahanan ang mga senior citizens na fully vaccinated na laban sa COVID-19 sa mga lugar na nakasailalim sa general community quarantine (GCQ) at modified GCQ.
Ayon kay presidential spokesperson Harry Roque, ginawa ng Inter-Agency Task Force on Emerging Infectious Diseases (IATF) ang naturang desisyon sa meeting kahapon.
Aniya, mayroong kondisyon ang paglabas ng mga senior ng bahay gaya na lamang ng pagdadala ng duly issued vaccination card at pagsunod sa minimum health protocols.
Hinikayat din ng kalihim ang mga senior citizens na di pa nababakunahan na magpaturok na ng COVID-19 vaccine.
