KORONADAL CITY- KALAHATI na ng Department of Health o DOH target population sa South Cotabato ang nababakunahan laban sa COVID 19.
Batay sa datos ng Integrated Provincial Health Office o IPHO noong January 6, umabot na sa 356, 754 ang fully vaccinated sa lalawigan na 50.40% ng DOH target na 707, 868.
Ngunit kung pagbabasehan ang projected population ng South Cotabato na 996,843, ito ay 35.79% pa lamang.
Ang mga partially vaccinated ay umabot naman sa 119,241 o 16.85%.
Sa mga fully vaccinated, 9,361 pa lamang o 2.62% ang nakapagpa-booster shot.
Dahil dito, hinihikayat ng IPHO ang mga partially vaccinated na magpabakuna na ng second dose at magpa-booster shot sa mga eligible upang mapalakas ang proteksyon laban sa COVID 19.
