Papayagan nang makapasok sa Singapore ang mga fully vaccinated Filipinos, simula sa March 4, sa ilalim ng Vaccinated Travel Lane (VTL) program.
Ayon sa Civil Aviation Authority of Singapore (CAAS), palalawigin nila ang VTL para maisama ang Pilipinas at Israel.
Sa ilalim ng programa, papayagan ang “quarantine-free travel” sa bansa sa pamamagitan ng air transport.
Ang mga ito ay kailangan lang magdala ng proof of vaccination sa kanilang pagbisita, kung saan ang mga magmumula sa Pilipinas, kikilalanin ang COVID-19 vaccination certificate (VaxCertPH) na inilabas ng Department of Health.
Maliban dito, kailangan rin magpresenta ang mga bisita ng negative COVID-19 test result at travel insurance.
