GINAPAABOT pa sa transport sector ang bag-ong fuel subsidy alang sa tuig 2022 ug ang guidelines sa bag-ong Libreng Sakay nga programa sa nasudnong gobyerno aron matabangan ang nagapamasada nga na- apektuhan sa usbaw sa presyo sa lana.
Sa kumpermasyon sa opisyal sa usa ka transport coop nga si Orly Sabelita sumala niini nga ilaha na gisusi sa bangko kon na-credit na ang tag P6,500 fuel subsidy nga bag-ong ayuda apan wala pay sulod mao nga ilaha nalang paabuton.
Samtang ilaha usab gi-comply ang mga requirements alang sa Libreng Sakay nga ang target sa April 17 ug 18 kay April 11 nagsugod na sa Manila ang Libreng Sakay sa mga 587 buses.
Gidugang ni Sabelita nga ang mamahimong prayoridad sa pagsugod sa Libreng Sakay mao ang mga modernized vehicles mao nga ilang ginapaabot ang bag-ong guidelines aron ilang sundon.
Samtang ginalauman na usab nila ang laing pagkunhod sa presyo sa lana adlaw nga Martes karong semanaha apan sentimos lamang ug dili ang ginaluman nga bigtime rollback. I Ver Diazon
